A INSTANCIA

                É un documento mediante o que realizamos unha petición escrita dirixida a algunha das administracións públicas: local (un concello), provincial (a deputación), autonómica (un organismo dependente da Xunta de Galicia) ou central (un organismo dependente do Goberno central).
A linguaxe da instancia, dado o carácter oficial do escrito, deberá respectar de forma estrita unhas determinadas normas:

• Lingua: non se deben empregar coloquialismos, e hai que utilizar as fórmulas e abreviaturas propias da linguaxe administrativa.
• Tratamento empregado: cando a instancia se dirixe a alguén que ocupa un cargo concreto,
deberase empregar o tratamento acaído.
• Forma de presentación: ten unha estrutura fixa; as partes e a orde en que se presentan
é a mesma en todas as solicitudes.

Con frecuencia os organismos dispoñen de modelos impresos de instancia para usos concretos, nos que só é preciso cubrir os datos requiridos; noutros casos deberemos redactala  nós mesmos acomodándonos sempre á mesma estrutura.

Partes dunha instancia:                                                             Exemplo

Encabezamento ou introdución  cos datos persoais. O nome e os dous apelidos, o número de DNI, lugar e data de nacemento (non sempre aparece), profesión (non sempre aparece), enderezo (non sempre aparece) e teléfono. Debe incluírse toda a información salientable en relación coa solicitude.	Uxía Lourido Seixo, de 14 anos de idade, estudante de 3º de ESO do IES O Mosteirón de Sada, con domicilio na rúa da pescadería , nº 12, 2º e  con DNI 34.567.534 - N EXPÓN: Que vén de coñecer a convocatoria  de bolsas de estudos da Consellería de Educación para o vindeiro  verán , dirixida ao alumnado da ESO , para o perfeccionamento dos idiomas estranxeiros. Que cumpre os requisitos  esixidos na convocatoria . Por todo o anterior , SOLICITA Que lle sexa concedida unha  bolsa de estudos para o perfeccionamento da lingua inglesa. Mosteirón , 23 de maio de 2013 Asdo: Uxía Lourido Seixas SR. CONSELLEIRO DE EDUCACIÓN E ORDENACIÓN UNIVERSITARIA
Corpo ou comunicación: esta parte contén a petición que fai a persoa solicitante coas razóns e os motivos en que se apoia. O corpo divídese en dúas partes: Exposición. Nela aparece o motivo ou motivos da petición. Esta parte vai precedida pola palabra EXPÓN (ou EXPOÑO), escrita en letras maiúsculas, e seguida por dous puntos e á parte. Nas liñas seguintes aparecerá o motivo ou motivos en que se apoia  a petición. Solicitude. Aquí aparece o contido da petición. Comeza coa fórmula SOLICITA (ou SOLICITO) en maiúsculas. Fíxese na persoa do verbo; as instancias, igual que as solicitudes, redáctanse en primeira ou terceira persoa do singular (EXPOÑO en 1ª persoa / EXPÓN en 3ª persoa; SOLICITO en 1ª persoa / SOLICITA en 3ª persoa).
Pé, remate ou final: consta sempre dos seguintes elementos: – Lugar e data: da solicitude. – Sinatura: da persoa solicitante. – Cargo da Administración: a quen se dirixe a instancia. Neste apartado débese indicarn o organismo do que é xefe ou máximo responsable, escrito sempre en letras maiúsculas,  coa forma de tratamento que lle corresponde a ese cargo.