VISITA AO PAZO DE MEIRÁS

 O alumnado de 3° de ESO visitou esta semana o Pazo de Meirás, unha actividade que vén complementar a lectura do libro de Eva Mejuto titulado A ladroa do Pazo de Meirás, proposto desde a materia de Lingua Galega. A obra recrea o período no que o Pazo foi convertido na residencia de verán do ditador Franco, logo dun proceso de espoliación de propiedades publicas e privadas. Contamos co mellor guía, Manuel Pérez Lorenzo, investigador e profesor  do noso instituto. A visita foi unha magnífica lección de historia.

Para saber máis contamos co  exhaustivo estudo, recollido no libro Meirás. Un pazo para el caudillo do que Manuel é coautor xunto con Carlos Babío.

EVA MEJUTO NO F. AGUIAR

 

    Hoxe tivemos no Istituto  a Eva Mejuto, autora da obra A ladroa da Biblioteca de Meirás, unha novela xuvenil na que se amosan importantes sucesos do pasado recente na nosa contorna . No libro a escritora recrea como as Torres de Meirás , que pertenceran a Emilia Pardo Bazán, foron convertidas na residencia de verán do ditador F.Franco, despois dun expolio ao pobo de Sada. A protagonista,Mariña, é parte dunha desas familias que quedaron sen casa e sufriron a persecución por non seren do bando gañador.

TRABALLOS DE FRASEOLOXÍA ( 1º ESO)

O alumnado de 1º de ESO estivo a realizar un traballo colectivo de fraseoloxía do galego. Cada alumna/o explicou unha frase feita do noso idioma e buscou unha fotografía adecuada para ilustrar o seu significado figurado.

REUNIÓNS DOS CLUBS DE LECTURA

 Os días 21 e 22  de febreiro desenvolveuse a segunda xeira de xuntanzas dos clubs de lectura no instituto. 

O día 21, na Biblioteca o grupo  de adultos desenvolveu as súas reflexións sobre a obra El día de mañana  do escritor Ignacio Martínez de Pisón. 

No mediodía do día 22 celebráronse por segunda vez as xuntanzas simultáneas dos  diferentes grupos de lectores. Estes foron os libros :

GRUPO	LIBRO	PROFESOR/A
1º ESO ( grupo 1)	Tras a sombra do bruxo Francisco Díaz Valladares	Mª José Pardo
1º ESO ( grupo 2)	As flores radioactivas Agustín Fernández Paz	Irene Olveira
1º ESO  ( grupo 3)	A chamada da selva Jack London	Elvira Castro
2º ESO  ( Grupo 1)	Penúltimas tendencias Carlos Negro	Alba Alonso
2º ESO ( Grupo 2)	Un monstro vén a verme Patrick Ness	Óscar García
3º e 4º de ESO	Palabras envelenadas Maite Carranza	David del Río
1º Bacharelato	O cervo e a sombra Diego Ameixeiras	Ana Camiño
Ciclo FP	La chica del abrigo azul Mónica Hesse	Manuel Magariños
1º BAC - FRANCÉS	On a volé Mona Lisa	Beatriz Muíño

Algunhas das lectoras  da obra de Carlos Negro Penúltimas tendencias , coa dirección de Alba Alonso, fixeron esta  reivindicativa versión coas pandeiretas:

GUAPA Y A LA ÚLTIMA

Esas revistas do quiosco,

tan superpop e megafashion,

nunca permiten

que e poña guapa

con seseo e con gheada.

 

Esas revistas do quiosco,

tan superpop e megafashion,

nunca aconsellan

que e probe un vestido

coas cores das xestas.

 

Esas revistas do quiosco,

tan superpop e megafashion,

nunca comprenden

que ande descalza

e coa lingua

solta.

 

Carlos Negro en Penúltimas tendencias

día de Rosalía

 

Día da ilustración. REIMUNDO PATIÑO

 REIMUNDO PATIÑO ( 1936-1980)  

 O Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. O protagonista deste ano é Reimundo Patiño.

        

    Para conmemorar este día , temos no Instituto unha pequena exposición que amosa a infomación máis relevante da vida de R. Patiño ,  as viñetas do cómic fundacional titulado " O home que falaba vegliota" e  algúns exemplares de banda deseñada que forman parte da historia deste xénero en Galicia.

Xaquín Marín e Reimundo Patiño son os indiscutibles pioneiros do cómic galego. Foron amigos e compañeiros de viaxe creativa. Xuntos lanzaron en 1975 Dúas viaxes, o primeiro álbum de BD galego no ético e no estético. 

" O home que falaba vigliota"

 O Día da Ilustración é unha iniciativa da Consellería de Cultura, Educación e Universidade en colaboración coa Asociación Galega de Profesionais da Ilustración (AGPI).

LIBROS NOVOS

 Acabadiñas de  catalogar están estas novidades na biblioteca.

Día das escritoras

 

OBRADOIRO XELA ARIAS

     Hoxe o alumnado de  1º de ESO participou nunha sesión de contacontos ilustrado . A actividade, a cargo do colectivo   POLO CORREO DO VENTO , está baseada na súa publicación titulada Liberdade, solidariedade e amor pola lingua. Pequena biografía de Xela Arias, pertencente á colección “Mulleres galegas” de Lela Edicións.

    Carlos Taboada e Enrique Mauricio explicaron a biografía de Xela Arias acompañando o seu ameno relato  con fermosas ilustracións . Remataron cun obradoiro de debuxo no que o alumnado fixo caricaturas da poeta nacida en Sarria.

Foi unha actividade entretida e ben proveitosa!

MAIO DAS LETRAS

 

FAUNA MÁXICA INVENTADA POLO ALUMNADO DE 1º DE ESO

O alumnado de 1º de ESO anda a aprender sobre personaxes da nosa mitoloxía. Tamén leu varios textos da "Fauna máxica" de Álvaro Cunqueiro na súa obra   Escola de menciñeiros.
     Despois botouse a crear ata compoñer colectivamente este pequeno bestiario. 
Para ver as criaturas inventadas, preme nos nomes do seguinte índice:

1. A pillabina	13.A ra que hipnotiza	25.O  gapeiro
2. O teperés	14. A Eli	26.O paxarefante
3. A lorsa	15.O rapoucho	27.O golficán
4. O loboto	16.O  bolborato	28.O T-Plus
5. O xiraflante	17.O salburón	29. O guelirpe
6. O escaradentes	18.O raposobot	30.A tigreruga
7. A pórcava voadora	19.A mantigoxa	31.O porcoruga
8.A pegallada	20.O paticervo	32.O tigrefante
9. O cocho-cacho	21.O xiritigre	33.O cabapato
10. A murmiga	22. O xirafante	34.O puritante
11.O escaratorpe	23. O serpón	35.O ornitotigris
12. O manolinho	24.O paticanfante	36. O hipopanda

 

Club de lectura: 22 segundos de Eva Mejuto

Hoxe os membros do club de lectura de 3º de ESO reunímonos para reflexionar sobre a obra de Eva Mejuto titulada 22 segundos . 

A identidade sexual é unha vivencia interna e tamén íntima. Está relacionada coa percepción que cada individuo ten sobre o seu corpo e os seus trazos físicos, no entanto esta percepción pode non corresponder co sexo  determinado no nacemento. Sobre esta cuestión trata este libro de Eva Mejuto no que Alex ten que vivir co nome de Xela e nun corpo feminino. Un tema que cómpre coñecer para aprender a respectar.

Foi unha xuntanza moi proveitosa, chea de interesantes reflexións.

Parabens , rapazada!

LETRAS GALEGAS 2021 XELA ARIAS

 Como sabedes as Letras Galegas deste ano están dedicadas á poeta Xela Arias  Para ir ambientando , colocamos uns paneis informativos no instituto. A seguir deixamos tamén varias ligazóns nas que podedes atopar informacións sobre a autora :

Telexornal Xela Arias  elaborado polo alumnado do CPI  dos Dices

Biografía no Portal da Lingua galega

Fotografías de Xela Arias

Retratos de Xela Arias por Xulio Xil

A palabra esgazada  ( serie documental  sobre Xela Arias -6 capítulos -)

Darío recita versos da súa nai  ( da obra Darío a diario)

Primavera das Letras ( RAG)

GALICIA MÁXICA

Ultimamente, o alumnado de 1º de ESO anda a investigar os nosos seres mitolóxicos . Percorreu as páxinas da galicia encantada e averiguou sobre o tardo, o lobishome, as sereas, os mouros e as mouras, os trasnos, o sacaúntos...  No corredor temos unha exposición dos que máis nos gustaron e unha chea de debuxos que recrean os preferidos pola rapazada: 

CANDO PETAN Á PORTA POLA NOITE

Hoxe , o alumnado de 1º ESO C  que forma parte do club de lectura , xuntouse para falar sobre a obra de Xabier P Docampo  Cando petan á porta pola noite. Esta obra converteuse xa  nun referente  da literatura galega de medo . Gañadora do Premio Nacional de Literatura Infantil en 1995, segue dando moito que contar. O seu autor, un grande que nos deixou , amaba a literatura oral e os relatos contados e como homenaxe aos seus pais, contadores de sucesos , escribiu este libro marabilloso.

Como sempre, os lectores destacados  recibiron o seu diploma.

DÍA DE ROSALÍA. RECITADO POR 3º DE ESO.

 

1º DE ESO CONTRA A COVID

REINICIAMOS A ACTIVIDADE!

 Novo instituto . Nova etapa deste blog que quedara parado no tempo.

 Reiniciamos!