TÍTULO: Acuarelas
AUTOR: Rafa Villar
EDITORIAL: Galaxia
COLECCIÓN: Árbore
|
||
a terra arredondada
arredor do larpeiro sol
laranxa e limón
verde negra azul
a terra dá voltas de buxaina
e nacen á luz os días
o planeta é un mar inmenso
que navega no espazo
sen rumbo nin compás
cando chega a noite
esfarélanse as estrelas
como pingas pingalleiras
e esna quizan o ceo
eu cóntoas cos dedos
unha dúas tres
catro cinco seis
estrelas que tremen
estrelas que estouran
estrelas que alumean
coma lumaradas na noite de san xoán
|
a lagañas prendidas nos ollos
a colacao con galletas
a cara lavada
ao bus da escola afastada
se o sol debuxa o horizonte
as mañás xogan á mariola
e as beirarrúas amencen ao noso paso
se as nubes cospen chuvia
son os torpes paraugas
os que agochan o novo día
cando vai frío
no canto de cinco dedos
as mans tremen coa chegada do inverno
|
31/03/2013
ACUARELAS. RAFA VILLAR
Subscrever:
Enviar feedback (Atom)
0 comentarios:
Enviar um comentário