 |
AUTOR: Ramiro Fonte
EDITORIAL: Tambre- Grupo - Editorial Luis Vives. 2008
COLECCIÓN: Ala Delta |
NENÚFAR
Nenúfares das lagoas
Quietas, dos mudos estanques;
Para os versos, flores boas,
Para os pintores, diamantes.
GOLETA, GALEÓN, GAMELA
Se suca os mares do ceo
Unha dourada goleta
É que a goberna un poeta.
Pero se é un galeón
(Outra nave coma ela),
Goberna a tripulación.
Mariñeiro, pon a vela
Da túa branca gamela.
PALABRAS
Palabras do dicionario
Son rosas de invernadoiro,
E as lúas cheas dun lunario,
Cofres baleiros de ouro.
Pero se escribo paxaro
E a mesma palabra leo
(Que non che pareza raro),
El voa libre no ceo.
A lúa en cuarto crecente
Ilumina a miña mente.
¿Poderá unha rosa impura
Proclamar a fermosura?
RULA
Nunca pode ser escola
Unha dourada gaiola.
A rula canta mellor
Nun verso de arte menor.
0 comentarios:
Enviar um comentário