Páxinas

01/04/2013

ABRACADABRAS. MARICA CAMPO





AUTORA: Marica Campo
TÍTULO: Abracadabras
EDICIÓNS DO CASTRO. Premio Arume 2006







COSMONAUTAS

Da nave da Terra
somos cosmonautas,
navegamos todos
pola Vía Láctea.

Negros e amarelos,
de cobre ou cor branca,
homes e mulleres,
só hai unha raza.

Nesa inmensidade
que son as galaxias
somos só persoas,
dunha especie, a humana.


O ESQUÍO

Vive nun carballo,
vai de póla en póla,
recolle bugallos,
xoga á mariola.

Visita a un veciño,
que hai nun castiñeiro
porque vai velliño
e anda algo tristeiro.

A noiva do esquío
vive nunha abraira,
dálle ela abelás

e el lévalle landras.



0 comentarios:

Enviar um comentário