14/02/2013

ACTIVIDADES SOBRE A ENTREVISTA.

PARA FACER AS SEGUINTES ACTIVIDADES LE DE NOVO AS CARACTERÍSTICAS DA ENTREVISTA  AQUÍ

1) ANALIZAR UNHA ENTREVISTA REAL 
O curso pasado tivemos no noso centro ao deportista Martín Varela , campeón de tenis en cadeira de rodas. Neste vídeo podedes ver unha entrevista que lle fixeron na TVG. Despois de velo contesta ás cuestións que seguen e analiza as súas características.



  • Que tipo de entrevista dirías que é , psicolóxica ou informativa? Xustifica a túa resposta.
  • Escribe un título para esta entrevista.
  • Na presentación do entrevistado, que datos relevantes se din? 
  • Hai algún motivo concreto para realizar esta entrevista?
  • Di se distingues distintos tipos de preguntas ( abertas, hipotéticas, preguntas comentario)

  • 2)  ELABORAR UNHA ENTREVISTA POR PARELLAS.
    • Entre  dous ides escribir  unha entrevista ( con preguntas e respostas) a un personaxe que pode ser real ou inventado. A entrevista constará só de dez preguntas.
    • Ides tratar o personaxe con respecto ( usando o tratamento “de vostede”)
    • Preparade unha breve presentación do personaxe e decidide un motivo ( real ou inventado) polo que lle ides facer a entrevista.
    • Se decidides escoller un personaxe real podedes buscar información en Internet (supoñede que entrevistades a un deportista e queredes preguntarlle cantos anos leva traballando, podedes averígualo en Internet, pero nunca copiando unha entrevista xa existente).
    • Non podedes facer preguntas pechadas , que se respondan de xeito   breve; facede preguntas coas que o entrevistado se poida explicar.
    • Preparade unha despedida e dádelle as grazas ao personaxe para rematar a entrevista.
    3)   ENTREVISTANDO OBXECTOS. 
    •   Supón que un obxecto da túa vida cotiá puidese cobrar vida e puideses falar con el ( o teu peite, o teu libro de mates, o balón de fútbol co que xogades, os teus zapatos …). Faille unha entrevista  inventado as respostas) 
    4)     O CUESTIONARIO DE PROUST
    •  Este cuestionario é unha  variante da entrevista psicolóxica , que popularizou o escritor Marcel Proust, xa que ao parecer ,cando llo fixeron , contestou dun xeito moi inxenioso e orixinal.  Trátase dun conxunto de preguntas fixas, previamente establecidas, que esixen unha resposta breve. Ás veces o cuestionario Proust é utilizado como  complemento dunha entrevista longa.
           Le AQUÍ  en que consiste este cuestionario e faillo ao teu compañeiro/a.

    2 comentários:

    1. Que boa idea, Belén, usar esta entrevista a Martín!
      Que recordo tan bonito temos da súa visita, verdade?
      Un bico para el!

      ResponderEliminar
    2. Dakota López04/03/13, 19:57

      Dakota López
      Entrevista ao diario da familia López Velo

      Bos días señores e señoras, hoxe temos aquí ao diario d familia López Velo ao que lle vamos facer hoxe una entrevista:
      Bs días señor diario,temos unas preguntas que facerlle,comecemos:

      P:Cantos anos tes?
      R:Teño cento corenta e sete anos,só que a familia deixoume un pouco olvidado.
      P:Como te sentes?
      R:Pois igual que sempre,só que antes divirtíame máis.
      P:Cal foi o día máis divertido da túa vida?
      R:Cando me compraron,aínda que sentía coma un "cosquilleo" no estómago,serían os nervios.
      P:Cando deixaron de escribir en ti?
      R:Despois do nadal, o último que escribiron foi o que lles regalaron.
      P:E,como vas facer para que escriban en ti?
      R:Pois esperar a que lles pase algo importante para que o veñan anotar,aínda que oín que lles tocou a lotería.
      P:Cal foi o mellor segredo que anotaron?
      R.Pois,ningún en especial, ó anoaron o que facían cada día ,xa non recordo moi ben todo.
      P:Este diario de quen era?
      R:De tdos ,son coma un recordo que pasaba de xeración en xeración.
      P:Alégraste de vivir con esta familia?
      R:Si,a verdade e que moito.
      P:Cal sería o teu soño?
      R:Irme de viaxe a París.
      P:E a última pregunta,cantas páxinas che quedan en branco?
      R:Anda! agora que miro, ningunha,entón non é que me olvidase e que me rematei.

      Pois moitísimas grazas por atendernos, foi un placer.

      ResponderEliminar