PRONOMES PERSOAIS TÓNICOS

Os pronomes persoais son unha clase de palabras que designan as tres persoas gramaticais.Sinalan quen fala  ( 1ª persoa), quen escoita ( 2ª persoa) e de que se fala ( 3ª persoa)

Os pronomes persoais poden ser tónicos ou átonos.

PRONOMES PERSOAIS TÓNICOS

Os pronomes persoais tónicos teñen acento de intensidade e son variables pois teñen flexión de xénero,número e persoa.

	FORMAS DE SUXEITO			FORMAS CON PREPOSICIÓN
	PARA O TRATO INFORMAL	PARA O TRATO DE CORTESÍA		FORMAS LIGADOS Á PREPOSICIÓN CON	CON OUTRAS PREPOSICIÓNS
	EU	-		COMIGO	MIN
	TI	VOSTEDE		CONTIGO	TI
	EL/ELA	-		CONSIGO	EL/ELA
	NÓS/nosoutros	-		CONNOSCO	NÓS
	VÓS/vosoutros	VOSTEDES		CONVOSCO	VÓS
	ELES/ELAS	-		CONSIGO	ELES/ELAS

     CONTRACCIÓNS  CO PRONOME TÓNICO

	EL	ELA	ELES	ELAS
DE	del	dela	deles	delas
EN	nel	nela	neles	nelas

• Os pronomes persoais tónicos que aparecen precedidos por unha preposición e, xa que logo, desenvolven a función de termo no sintagma , non poden nunca ser suxeito.

• min: Estiveron falando de min
• ti: Este xersei é para ti
• el, ela: Estás todo o día mirando para ela
• nós: Elas trouxeron ese agasallo para nós
• vós: Non esperaba iso de vós
• eles, elas: Podes ir xogar con eles

• Os pronomes  ligados chámanse así por formar parte do seu corpo fónico a preposición "con". Actúan como complementos circunstanciais de compañía.

• comigo: Carme bailou comigo
• contigo: Túa nai quería falar contigo
• consigo (con el/ela): Carlos estivo pelexando con el
• connosco: Ven xantar connosco
• convosco: Vou xogar convosco
• consigo (con eles/elas): Vou ao mercado con elas.

Nós / Nosoutros

Vós / Vosoutros

Non é o mesmo nós que nosoutros. Nós refírese a un grupo amplo no cal esta incluído o falante, nosoutros refírese a un grupo pechado coñecido polo emisor e o receptor e especificado ,

Exemplos : nós vivimos aquí

                nosoutros , os galegos, somos un pobo traballador.

Elo

Esta forma existiu no galego antigo mais na actualidade debe substituírse por pronomes demostrativos.

AQUÍ ATOPARÁS  EXERCICIOS DO PRONOME PERSOAL ( PODEN AUTOCORRIXIRSE)