" ESA LUS "

             Como xa sabedes este ano dedícase o día das letras galegas a Xosé María Díaz Castro. Desde este blogue ( ver na barra da dereita) podedes acceder a moitas informacións e traballos sobre este escritor nacido nos Vilares (no concello de Guitiriz de Lugo). No intituto desta vila,que leva o nome do poeta ,están a desenvolver o proxecto educativo denominado A lus do mundo , para achegar a poesía de Díaz Castro aos escolares. Unha das iniciativas consiste en poñer música aos seus poemas , ás veces empregando melodías coñecidas e ás veces con composicións propias. 

Neste vídeo podedes  ver unha interpretación colectiva dedicada ao poeta co título "Esa lus"  . Tamén podedes descargar a base musical para cantárdela se vos presta.

 "Esa lus"

Esa mirada era especial,
xa que nacera no rural
e da terra ó ceo todo tiña o seu misterio
o neno Pepe escribirá 


Esa lus, esa lus
se o poema é só un nimbo de lus
son fragmentos de min mesmo 
o herdo, o mundo que me deron
se o poema é só un nimbo de lus


Esa lus, esa lus
se o poema é só un nimbo de lus
coma ventos fuxidos
por camiños esquencidos
se o poema é só un nimbo de lus

Más de once linguas que falou
pero unha soa que cantou,
á herba pequerrechiña e dende Parga á Pastoriza
Xose María escribirá


Un paso adiante, un paso atrás
Galiza sempre nel está
ardendo nunha bágoa ou ferido pola beleza
Díaz Castro escribirá

A TROPA DE TRAPO E O AMOR AOS CONTOS

          Onte , o alumnado de 1º de ESO asistiu ao espectáculo da Tropa de Trapo que leva por título A hora azul.

Trátase dunha sesión de contacontos con música, seguida despois dun obradoiro no que se traballan as técnicas de contar e a literatura de carácter oral.

Esta actividade é complementaria á programación de Lingua galega do primeiro trimeste , e ten como obxectivo ( ademais de asistir a un espectáculo ben bonito) que o alumnado aprenda a importancia da comunicación oral, os elementos que interveñen na mesma , os códigos xestuais, as diferentes recepcións que pode ter unha mesma mensaxe dependendo do emisor e do receptor... 
Todas estas aprendizaxes prácticas veñen reforzar o aprendido sobre a narración dentro das clases, ademais de servir como guía para a actividade que en breve deberá realizar o alumnado : a exposición dentro da súa aula dun conto  na que terá poñer en práctica o aprendido.

Os membros da TROPA DE TRAPO, Brais e Marta ,  souberon ademais transmitirnos con enorme sensibilidade historias doutras culturas e doutros pobos, que tan similares poden ser ás nosas en moitas ocasións . E todo iso nun clima tranquilo e agradable, que nos transmitiu moitísima paz . Estamos moi contentos de que estivesen connosco no instituto.

Aquí deixo uns vídeos nos que podemos ver algún fragmento dos contos que contaron :

E non podemos esquecer tampouco a lección que nos deu Brais sobre os instrumentos musicais que emprega no espectáculo . Aquí podedes velos para recordalos.

CARLOS GENDE EN MOSTEIRÓN

         Carlos Gende é un dos poucos galegos que domina o beatbox, unha disciplina derivada do hip-hop consistente en facer música sen usar instrumentos. Os que o practican son algo parecido aos chamados homes orquestra, pero todos os sons os conseguen controlando o aire que sae polo nariz e a boca. De feito, Carlos ten claro que aínda que sexa un fenómeno recente, a esencia do beatbox non é novidosa e pon como exemplo a capacidade de John Balan para simular o son dunha trompeta.

- «Non creo que ou beatbox consista só en imitar os instrumentos musicais» di Carlos, e por iso,  adoita introducir todo tipo de efectos e sons nas súas improvisacións. 

 As súas primeiras actuacións fíxoas acompañando aos grupos Presenza Zero e Machina participando en obradoiros en varios institutos galegos para ensinar as bases do beatbox e do rap e xa conseguiu varios premios en recoñecemento ao seu bo facer. Aínda que Carlos Gende rematou hai pouco tempo os estudos de Telecomunicacións continúa a dar concertos e explicar as súas técnicas polos institutos e hoxe tivemos a fortuna de telo connosco . Deunos unha auténtica clase de música e de fonética, explicounos as orixes do xénero, sinalou as vinculacións que el establece entre o idioma galego e a súa música … foi un verdadeiro pracer telo connosco porque é un tipo estupendo, que conectou con alumnos e profesorado.

Para os que queiran buscalo na rede: gendebeat ou xenderal

http://es.myspace.com/gendebeat

http://soundcloud.com/gendebeat

https://www.youtube.com/user/gnd8or

Entrevista a Carlos Gende

Poesía feita música.

Poemas feitos música

Cantigas de amigo medievais:

Bailemos nós todas tres ai amigas   de Airas Nunes de Santiago

Eu velida non dormia    de Eanes Solaz:

Cantiga de amor medieval

"A dona que eu amo "

Deitado fronte ao mar de Celso Emilio Ferreiro por Dios ke te crew

Adios Rios, Adios Fontes - Rosalia de Castro / Amancio Prada